【識港網訊】

Marvel首部亞洲英雄電影《尚氣與十環傳奇》（Shang-Chi and the Legend of the Ten Rings）今日（2號）上映，連日來一眾演員都四出為電影宣傳，戲中飾演「尚氣」父親「文武」的梁朝偉近日接受男士雜誌國際版的訪問，全程以廣東話受訪，令不少網民驚喜，而偉仔除了分享演出《尚氣》的感受外，還談及多年來演出過的難忘角色。

偉仔表示今次角色本身是個大壞蛋，因為大家都知道他是什麼樣的人，所以他嘗試在人性裏創作，探討角色的內心，為何讓他變成那樣的人：「到佢有咗Super power之後，開始搵番佢嘅自尊，但當得到自尊之後，好容易變咗終極自戀狂，聽唔到人哋講乜嘢，亦因為喺戲入面有啲遭遇，佢會將呢啲嘢遷怒喺人哋身上。」偉仔指因為這些東西讓角色變成大壞蛋，認為反射到人格，希望大家會看到不一樣的感覺。

另外，偉仔又談及以往出演過的角色，提到李安執導的《色，戒》時，偉仔透露起初對方對他時表示有「Love scenes」，當時他心想拍了幾十年戲，有Love scenes也很正常，誰知到拍攝時才知道這麼大膽！至於提到拍攝王家衛的《春光乍洩》，他爆料指每次合作時起初都得到很少資料：「因為佢嘅工作方式係一路拍，一路發展，最初喺《春光乍洩》嘅角色唔係同性戀，我爸爸先係同性戀，而佢有個情人係張國榮，喺我爸爸過咗身，先知道有呢個人。點知我拍咗好多飲醉酒嘅戲，拍咗一星期左右，王家衛同我講：『你都係演同性戀比較好。』」偉仔指這是他們的相處方式，起初不會有太多限制，之後才慢慢討論。

此外，偉仔曾拍攝過不少動作戲，其中與吳宇森和周潤發合作的《辣手神探》，單是一場醫院戲已拍攝逾40日，他更曾被玻璃碎整傷眼睛，及後拍攝《一代宗師》時，偉仔則被武師弄傷手，坦言當時很不甘心：「練咗好耐，已經準備好去拍，點知整斷咗，之後我冇理隻手康復未，走咗去做gym，結果傷口埋得唔好，喺我以為自己好番嘅時候，又畀武師踢斷咗，嗰次之後，就乖乖哋休息咗3個月。」

原文鏈接：https://m.orangenews.hk/details?recommendId=1123128