【識港網訊】

東京奧運結束未夠一星期，中國香港劍擊代表隊又要著手準備下個月在陝西舉行的「第14屆全運會」。現於深圳隔離的「大師兄」張小倫，閒來無事除了會在社交平台開Live講鬼故，最近更自學拍vlog，記錄隔離中的生活日常。形象向來健康的他，今次竟然轉行「性感路線」，全程穿著迷之「短褲」，影片更引來羽毛球代表謝影雪留言「唔著褲犯晒規喎」。

近日因在IG分享撞鬼經驗吸引大批粉絲，兼被三台靈異節目爭相邀約做嘉賓的張小倫，今日又有新技能解鎖，就是拍vlog記錄他的隔離生活。影片中的他先是睡眼惺松地亮相，其後就以迷之「短褲」的姿態步入洗手間，帥氣地刷牙。繼而便是享受早餐的時間，他沖了一杯咖啡，指這是他「每日最期待」的一刻。最後，他隨手拿起啞鈴當枕頭，並躺在墊上看書。

此舉隨即引來隊友蔡俊彥留言質疑「你平時睇書㗎咩？」，令花生群眾以為有料爆，不過大師兄則坦言「平時唔睇，隔離之後開始睇，你都試吓」，他更表示「有啲掛住你(蔡俊彥)講真」，又著隊友「快啲搬過嚟深圳一齊住」，果然兄弟情深！

另一方面，羽毛球女將謝影雪則將重點放在大師兄的衣著，戲言他「唔著褲犯晒規喎」，而張小倫則回應「訓覺唔通著長褲訓咩？」，又解釋拍vlog只是即興的玩意。雖然大師兄只是求其拍，不過這短短分半鐘的短片卻吸引了大批網友關注，他們紛紛留言「可唔可以拍埋女友/老婆視覺嘅片」、「升級做KOL」、「性感演出」。

原文鏈接：https://m.orangenews.hk/details?recommendId=1121373