霍啟剛透露：「仔仔由細到大對軍事都抱有好濃厚興趣，平時只要香港有軍營開放日、軍艦訪港，我有時間都一定會帶佢去參觀。其實佢一直都好想親身參加軍事訓練營，不過之前年齡未夠，今年中一終於可以報名參加『香港青少年軍事夏令營』。」

霍啟剛讚軍事夏令營體驗非常全面，夏令營的宗旨是透過紀律訓練同專題講座，培養學生的自律、堅毅、守紀同團隊精神，加深對國防的認識。為期約兩星期的營期，內容相當豐富又充實，除了有步操、軍體拳、軍事手語與野外求生技巧，還可以參觀海軍同空軍基地。

他說，根據兒子的分享，營內的生活非常規律：每日早上6時便要起床，早餐前後要進行步操練習，下午再進行各式各樣的軍事與課餘活動。兒子入營頭數天，突然要離開屋企，確實有少少不習慣與未適應。加上這半個月天氣非常酷熱，軍營生活又沒冷氣，對一個初中生來講，絕對是一次體能與意志的考驗。

不過，霍啟剛說，年輕人的適應力往往比我們想像中更快，兒子很快便融入軍營生活，兩星期的時間「眨眼就過」。雖然全情投入訓練又熱又辛苦，但兒子鍛煉到體魄、更加自律，在營裏結識到很多志同道合的新朋友，收穫了一段寶貴的青春回憶。

霍啟剛感嘆，看到兒子完成訓練回來，「感覺整個人都成熟同堅強咗，作為父母真係好為佢感到驕傲！希望今次難得嘅軍營體驗，能成為佢成長路上嘅養分，未來繼續帶住呢份堅毅同自律嘅精神去面對新挑戰」。