【識港網訊】「玉女掌門人」周慧敏（Vivian）前晚在澳門舉行《地老天荒愛一場世界巡迴演唱會》，今個月開始亦會去到內地不同地方開騷，令一眾中、港、澳歌迷都非常開心。Vivian除了在演唱會上獻唱一系列經典歌之外，更無預警宣布今次將會是她最後一次舉行大型演唱會，令台下粉絲震驚又傷心。

周慧敏雖然已經56歲，但依然仙氣十足。（圖：周慧敏 Vivian Chow@FB）

Vivian前晚狀態大勇，雖然今年已經56歲，但依然保持到「女神」的仙氣及美貌，在演唱會上換了五套靚歌衫迷倒全場粉絲神魂顛倒。Vivian以經典歌《自作多情》揭幕，再一口氣連唱多首好歌如《如果你知我苦哀》、《肋骨》、《台下女主角》等，更又唱又跳帶起氣氛。

Vivian坦言今次演唱會有種回到90年代初次舉行個唱的感受，回想起當時跳舞跳到像機械人一樣，又感嘆過去30年人生充滿意想不到的事，沒想到此刻依然在舞台上面，並多謝台下每位粉絲的支持。

周慧敏狀態大勇，一口氣又唱又跳多首名曲。（圖：周慧敏 Vivian Chow@FB）

Vivian更罕有地分享人生領悟，指2009年成為人妻之外，同年更因為信仰而「多咗個天父爸爸」：「呢年係我人生轉捩點，我將我一套普世價值嘅生存之道放低，一步步拆毀自己嘅強悍，將個『我』字縮細，發覺好多嘢都唔同，特別我哋做藝人，好多時人哋將我哋放到好大，我覺得唔係一件好事，我放低『我』字，反而睇到自己好多不足。我開始發現一直喺我頭上面嗰個光環，冇能力再綑綁我啦！我喺裡面被釋放出嚟得到真正嘅自由，所以我唔係女神，不過係一粒好細嘅鹽，有時會發下光嘅阿V，好嗎？」

臨近尾聲環節，Vivian就邀請嘉賓黃劍文上台合唱《流言》、《情未了》及《知己》三首歌曲，更首次公開以鋼琴演奏的《貝多芬月光奏嗚曲 : 第一樂章》。去到鳴謝時，Vivian突然在台上宣布今次巡演是「最後一次個人大型演唱會」。

Vivian眼紅紅表示：「我覺得時候差不多啦，要專注自己照顧自己身體，照顧我家庭，貓仔都唔細啦…我想多啲時間陪貓仔，同先生希望有更多共處時間，你哋應該理解，係咪？我係唔會唔工作，只係想有多啲時間調節自己，時間好快，錯過咗就錯過咗。」台下歌迷聽到都忍不住爆喊大叫「 唔好呀！」。