【識港網訊】天后容祖兒行蹤遭外洩，有市民向傳媒指連日收到運輸署有關祖兒登記車輛行經隧道的通知，包括駛經隧道的日期、時間及收費，變相把祖兒的每日行蹤曝光人前，事件不容忽視！現時祖兒公司對此相當着緊，即時著手處理護隱私。

據市民爆料表示因接連多天收到運輸署旗下易通行的電話短訊通知，但該車輛並非自己的，為找尋車主，甚至在尋找失物的社交網群組發文：「係容祖兒嘅？定係詐騙？想幫呢幾個Message尋車主，其實之前我已經收到過，不過我唔知係詐騙定係佢填錯電話，但我又冇收到任何要我付費資料或Link，反而一直收到佢出入隧道嘅資料，尋晚仲收到佢幾次驗證碼（冇任何Link喺度嘅，唔使我撳入去睇嗰種），呢架車嘅車主我上網睇好似係容祖兒，但我Tag佢又冇人應，DM（私訊）佢亦冇收到任何回覆，定係其實已經唔係佢用嘅？」但由於一直未獲祖兒方面回覆，爆料者最後求助媒體。

祖兒私隱遭無辜外洩，連日來行經每條隧道的時間紀錄均清楚可見，令每日行蹤無所遁形，若落到別有用心的人士手上，可謂相當危險！從紀錄顯示，祖兒於本月16及17日多次來往香港仔隧道，兩日都於早上8時多駛經該處，對於家住淺水灣2億豪宅的她，大清早便頻撲外出，看來行程相當重要。

祖兒公司得悉此事後大為緊張，即時向相關部門了解，並回覆媒體稱可能是運輸署出錯致發電話號碼訊息，但現時已解決。而爆料者表示昨日（18日）亦有專人聯絡，事件告一段落，終可放下心頭大石，不用再受困擾。