【識港網訊】男團MIRROR去年7月舉辦演唱會期間發生嚴重墮屏意外，舞蹈員李啟言（阿Mo）被懸掛半空的巨型屏幕擊中令頸椎重創，至今仍留醫。近日阿Mo父親李盛林接受訪問，談及照顧阿Mo的點滴，更公開了阿Mo接受治療時的照片。

日前，阿Mo父親李盛林牧師接受YouTube頻道「健康嗎 Health Code」訪問。自阿Mo發生意外，李盛林牧師與太太立即趕回香港，Mo爸受訪時表示為了支持阿Mo，他與大仔都剷了光頭，更感慨稱：「如果換轉唔係阿Mo，如果擊中嘅係其餘23位dancer其中一個，或者嗰12個（指MIRROR）呢？佢哋會點面對呢？」另外，他曾重看兒子受傷一刻的影片，留意到阿Mo頸部剛好稍為微微向前，否則將會即場「爆頭」，並指：「如果佢唔係微微向前，咁重，幾百公斤嘅螢幕直插落個頭度，係當場會爆，對佢嚟講，死咗都唔知咩事」。而Mo爸憶起事故仍猶有餘悸：「面對自己個仔處境，好無助，我點樣幫佢？又幫唔到。」

阿Mo父母在事發後一直悉心照顧愛子。

教授被阿Mo與So Ching感動

而為阿Mo治療的香港中文大學醫院黃鍾鈞運動醫學及康復中心的劉敏昌教授亦有分享阿Mo的康復進度及近況，指阿Mo每天都積極接受治療，醫療團隊在阿Mo身上用了逾10種儀器，奇蹟地C4頸椎以下神經線皆運作正常，目前只希望有新科技幫助神經傳遞訊息。

劉敏昌教授大讚So Ching（蘇芷晴），稱「呢個不可多得嘅女仔」，更透露阿Mo 10月生日時，在醫院舉行了生日會、簡單切蛋糕，「我哋睇到So Ching對住佢含情脈脈，阿Mo都好Sweet兩眼相投，背後都好多意義。」看到So Ching好關愛阿Mo，及無微不至照顧，令他很感動。

阿Mo女友So Ching停工多時，早前更退出COLLAR。

Mo爸：人為錯誤導致創傷

Mo爸在訪問尾聲剖白心聲，他希望阿Mo可以回復行動力，對於阿Mo的遭遇，Mo爸亦有感而發：「有啲人話，牧師你個仔搞成咁，你仲要感謝你相信嘅神？我話係呀，我要感謝佢（神），因為唔係神嘅錯導致佢咁樣，係因為人為嘅錯誤，而導致佢有咁大創傷，佢哋要承認呢種錯誤，而唔係罰咗就算，要認真檢視安全性，如果受傷係佢哋家人或當事人，佢哋會唔會係一種僥倖心態，當佢哋設身處地，先能睇清楚應該點做。」