【識港網訊】紀錄片《給十九歲的我》再有主角開腔，第三位發聲的江冰瀅在片中被稱為「香港小姐」，她在社交平台表示，公映前獲製作團隊通知要先簽署同意書，因對方稱「所有人已經簽咗名，剩係得我未簽」，故在「無諗過背後有咁多嘢嘅情况之下」簽署同意書。

江冰瀅表示攝製團隊未有交代成個事情的來龍去脈，她稱：「我一直以為呢一套電影全部都係好評同埋一切都好順利。我當時就抱著一種心態，就係話既然係一個咁有意義嘅電影啦，公開自己小小嘅黑歷史都唔係話唔可以接受嘅。」

江冰瀅稱當初答應拍攝是希望所有父母關心青少年心理狀態。（圖：《給十九歲的我》劇照）

她稱：「個人係比較Peace and Love嘅主義，而且我嗰陣時決定將我自己個部份放出嚟，係因為當時我嘅初衷就係希望所有父母可以更加關心青少年嘅心理狀態，嗰個年紀嘅我哋係最需要身邊嘅人支持同埋陪伴。我個人睇咗呢一套電影兩次，最大嘅感想就係覺得時間過得好快，而且每個人都係自己擅長嘅領域做自己鍾意做嘅嘢。其實都好替所有人開心。」

江冰瀅於中學時期已移居美國，目前仍身處當地。（圖：kkpy__@IG）

江冰瀅於中學時期已移居美國，目前仍身處當地，故她稱未感受到電影上映對自己的影響，但認為另一名女主角阿聆因早已反對公映應尊重她的意願：「阿聆佢一開始就反對呢一套電影上映，並且呢一套電影帶俾佢咁大嘅影響，導演組同埋校方就唔應該將呢一套電影上映。畢竟人生存係呢個世界上就係希望自己開心，唔應該將自己嘅快樂建立係人哋嘅痛苦身上。換過角度嚟睇，最主要係我自己嗰一部份，除咗可能參選港姐有啲尷尬來講，其他地方都可以接受。但係如果換阿聆同阿余既角度來講，係非常可以理解，因為佢牽涉咗好多你自己私人生活同埋好多私隱，你冇辦法控制觀眾睇到你嘅時候，會對你呢啲個人產生乜嘢感受同埋評價，你亦都冇辦法可以做到坐視不理，最後希望所有嘅參與者可以喺未來嘅日子當中發光發熱，永遠開心快樂。」

圖：kkpy__@IG、《給十九歲的我》劇照