【識港網訊】《毒舌大狀》上映至今一直大受好評，10日票房已衝破5500萬大關。林小湛和栢天男昨晚（30日）現身尖沙咀出席電影《毒舌大狀》演藝界場，接受訪問時提及黃子華有意原班人馬開拍第2部。

栢天男指，黃子華有意開拍第二部。（圖：《毒舌大狀》劇照）

《毒舌大狀》截至1月30日，累積票房達5960萬港元，創香港電影史上港產片最快達到5500萬紀錄，對此有份參演電影飾演大反派的栢天男表示：「見到有咁好嘅成績，其實都係我哋所預期，因為我哋成個班底都好勁，有黃子華同謝君豪助陣，再加埋導演吳煒倫引領住我哋，令到我哋成班人都好投入去做好自己嘅角色，見到有咁好成績，係打咗支強心針。」他更透露子華有意開拍第二部，稱：「我仲聽黃子華講過，想原班人馬再拍第二部，希望到時會成事啦。」

而林小湛笑言：「雖然唔能夠同黃子華有對手戲係有啲可惜，但見到成套戲出到嚟有咁好嘅反應，真係好開心。而我喺套戲裡面雖然係做壞人，但我好希望下次能夠改邪歸正，要做返個好人先得。」

圖：《毒舌大狀》劇照