移動版
在這裏認識香港



與許廷鏗完成7年之約 爆喊攬足半分鐘
2022-06-13 12:48
許廷鏗獨唱《面具》,他說:「原諒我個狀態有少少奇怪,我等佢上紅館等咗好耐,我綵排時佢突然攬住我喊,佢呢三晚出咗200%努力同付出,希望你哋用歡呼同掌聲話畀佢知佢係值得愛。」

【識港網訊】前晚(12日)鄭欣宜在紅館舉行的演唱會尾場「Between Us 鄭欣宜演唱會2022」請來好友許廷鏗擔任嘉賓,兩人除了大唱情歌,更真情流露相擁痛哭,場面十分感人。

欣宜用「識於微時兩少無猜」介紹許廷鏗

許廷鏗完成工作活動趕到紅館出席好友鄭欣宜的個唱,擔任嘉賓。欣宜用「識於微時兩少無猜」介紹許廷鏗:「我哋識於微時兩少無猜,成日會頭貼頭手牽手,成日畀人傳我哋係咪一對,所以我成日都會諗我哋究竟友情定愛情。」然後許廷鏗登場,兩人合唱《好好戀愛》,更手拖手、撫摸對方的臉嘗試扮情侶,不過最後忍不住笑。許廷鏗無奈指不能與欣宜好好唱一首情歌。

二人接著手拖手合唱《半份關心》,許廷鏗表示因他們是「異父異母低能巨孖寶」,更感性表示「我望住你有一種好奇特嘅感覺,可能太細個認識,喺呢個舞台見到你係第二個感覺,我尋晚有嚟睇,成個騷睇到你,你有句說話不斷講,你唔肯定自己係咪值得被愛。我見住你高高低低,我覺得令我覺得最特別地方,無論邊個高邊個低,我哋返到去仍然喺對方身邊。」欣宜聽後已忍不住喊。許廷鏗送上自己的黑膠唱片,哽咽說「呢隻係試碟,而後面封面係根據2015年12月15號我哋影嘅一張相畫嘅畫,當時我哋傻更更,我哋未上過紅館,我哋話如果上到,要有對方喺度,而我哋今日做到。」欣宜感動爆喊,之後二人攬了半分鐘。

二人在台上爆喊攬了半分鐘

接著許廷鏗獨唱《面具》,他說:「原諒我個狀態有少少奇怪,我等佢上紅館等咗好耐,我綵排時佢突然攬住我喊,佢呢三晚出咗200%努力同付出,希望你哋用歡呼同掌聲話畀佢知佢係值得愛。」

圖:hui_alfred@IG、星島

责任编辑:lwh