【識港網訊】男團MIRROR七月紅館演唱會的門票爭崩頭，搞到滿城風雨之際，日前再傳出同為《全民造星》出身的ERROR將於11月開騷！一眾樂迷又要想盡辦法搶飛啦。

有傳ERROR已Mark實檔期，將於11月假九展Star Hall開騷，而且除了唱歌外，還會有Talk Show環節。日前保錡和陶大宇為ViuTV訪談節目《爆谷一周》錄影，保錡就趁機邀請陶大宇做演唱會嘉賓！雖然是講笑形式，但陶大宇表示如果有機會都真係可以一試啊。

保錡亦於IG上載與陶大宇的合照，透露二人將會有合作：「終於可以同大宇哥合作，好開心又好激動，真心要學習他的態度，究竟我們會合作甚麼？大家估唔估到先？唔知有冇機會合唱一曲呢？」暫未知crossover會否成真，但樂迷都已經非常期待二人合唱《倒轉地球》了。

保錡模仿陶大宇唱《倒轉地球》爆紅

陶大宇去年在內地登台，翻唱劉德華《倒轉地球》的片段紅遍網絡，之後保錡再拍片惡搞模仿他(點擊觀看片段)，將歌曲的討論推上頂點。早前陶大宇接受訪問時曾透露，好多謝保錡加持掀起熱話，亦希望可以與ERROR合作。

圖：k_p0k1@IG、error.weare@IG