【識港網訊】MIRROR將於七月在紅館連開十場演唱會，全城粉絲忙於撲飛，所有渠道通通都不放過。昨日(12日)麥當勞就上載一張三人的背影相片，叫網民估吓係邊個。一眾粉絲一眼就看出，是MIRROR成員Edan(呂爵安)、姜濤及教主Anson Lo(盧瀚霆)！似乎三子與麥當勞又有新搞作啦！

麥當勞在Facebook貼出一張背影照，預告有「三個VIP嚟咗麥當勞」，著網民密切留意後續，相信是麥當勞App的宣傳活動。三人所穿著的紅色風衣上，印有號碼「63」、「99」及「91」，正正分別是Edan、姜濤及Anson Lo參加《全民造星》時的號碼！

其實他們去年亦曾化身籃球員為麥當勞拍攝一系列廣告，亦是穿著這三個號碼的球衣亮相。當時麥當勞推出了六款限量版「籃神卡」，引起全城搶購潮，未知今年即將又會有咩新搞作呢？

昨日背影照一出，「鏡粉」紛紛留言表示期待，有人估計將會有新宣傳片推出，或許會以演唱會門票作招徠？

圖：麥當勞