【識港網訊】

天后鄭秀文（Sammi）以骨感身形見稱，平板身材更成為了她的標誌，更被封為「平胸天后」。而Sammi一向注重身形，經常做運動keep fit，更不時會大方分享穿運動內衣的操肌爆汗相，雖然平日都會賣大包玩「中門大開」，不過一直無乜睇頭。

但昨天（5日) Sammi 在社交平台上載了一張身穿紅色運動型Bra Top運動衣的照片，突然由A4身形變成有料到， 微微露出事業線！粉絲都紛紛留言讚Sammi「呃得吓人」！

Sammi 寫道：「喂啊！你冇睇錯……係忽然好大個…Pad. 明就明！#好似冇咩違和感 #運動衣的功勞 #比（畀）大家笑吓輕鬆吓 #托出個未來」，最後更自嘲：「#每張A4紙都係潛力股」，上圍豐滿不少的Sammi 更被粉絲留言讚「確實有啲睇頭」、「呃得吓人」。

圖：sammi_chengsauman@IG