【識港網訊】由世界華商投資基金會主辦、世界華人協會合辦的「第十八屆世界傑出華人獎」、「第四屆世界傑出華人青年企業家」及「第八屆世界傑出藝術家大獎」及「世界傑青」頒獎典禮，昨日（8/9）於香港灣仔會議中心盛大舉行。一班來自各行各業的得獎者都雲集在典禮上，當中國際影星甄子丹就獲頒「世界傑出華人」獎項，跟惠英紅獲相同獎項！

甄子丹坦言獲獎感到很榮幸，而且令他有更大動力去做好所有事。（圖：星島日報）

對於得獎，甄子丹感到意義重大：「今日能夠同得獎嘅咁多前輩，同埋一啲喺世界能夠取得咁卓越嘅成就嘅人一齊攞呢個獎，我係深感榮幸，畀咗好大動力做好同好每一套戲，做好每一件事。」對於惠英紅獲獎感到壓力大時，甄子丹反而覺得是動力：「有壓力只會對自己同每一件事要求更好，我OK，我接受。」甄子丹又分享自己同太太汪詩詩擁有慈善基金，亦擔任慈善機構大使，覺得作為社會一份子，尤其身為藝人，一定要做個好榜樣，所以自己經常都教導仔女要幫人，帶他們參與慈善工作，讓他們知道社會上有很多人不如他們擁有幸福條件，要去幫助社會有需要的人。

甄子丹同老婆汪詩詩擁有慈善基金，亦教導小朋友從小就要做善事。（圖：donnieyenofficial＠IG）

正在準備新片《誤判》的甄子丹，表示電影正在進行混音、調色等後期工作，即將準備上畫！坦言自己花了一年多時間在這部作品上，希望觀眾可以多多支持。今次在新戲入面化身檢察官，花了很多時間去研究不同角色，當中包括「子華神」黃子華主演的《毒舌大狀》：「黃子華嗰部咁出色，佢又演得咁好，套戲又咁好睇，我有參考吓佢哋啲戲，點樣喺自己範圍能夠做到，同埋亦都有獨特啲嘅元素，畀觀眾唔同新鮮感同埋角度。」