【識港網訊】所謂「物離鄉貴，人離鄉賤」，近日有移英港人大呻在當地受盡歧視，直言唔想畀人睇死，而令其最不甘心的係英國僱主寧願請內地人都唔請佢喎。有網民揶揄「個鬼佬聽得明你講嘢先得㗎！！聽唔明話之你係耶穌！」

該名移英港人在fb群組「我哋真係好X鍾意香港2.0」發文，話自己英文唔叻，移民英國已經九個月，不但受盡歧視，且見工處處碰壁，直言感到「好灰」。惟他不知哪來的自信，認為香港人是高人一等，「英國僱主請個大陸人都唔請我，雖然個大陸人英文真係好過我，但話晒香港人，唔係會易請個大陸人咩」。

帖文惹來不少網民留言譏諷，「照下鏡啦」、「邏輯都冇，唔怪得知食西北風」、「依家係講性價比唔係講牌子」、「以為好醒原來係豬頭炳都唔知！」、「佢都識話人哋另一見工嘅中國人英文都好過自己，請佢返嚟托咩?」、「去到外國，理得你是什麼人！平靚正最正要」。