【識港網訊】全城熱話、紅過羅湖的何伯何太連續劇又有新進展！沒看過的請重溫前3集Viki Talk，等續集的請繼續往下睇。面對不少網民嘲諷何太「貪錢」、「呃錢」，何伯對此感到心痛，指何太為人老實，而自己的5個子女「捲走晒啲錢」，才是「大反派」。針對「珠光寶氣」的質疑，何太自揭名牌袋都是A貨。「有情飲水飽」，何太說以後就算擺地攤都會帶着沒了錢的何伯，照顧他。究竟係咪真？

萬眾期待的何伯夫婦，終於再度現身《東張西望》受訪，對外界批評及質疑作出絕地大反擊！何伯夫婦指，近日有關注外界批評言論，何伯非常心疼太太被罵：「我愛錫我老婆㗎嘛，你咁樣鬧法，我真係好心痛。」何伯又Man爆護妻：「攻擊我哋嗰啲人，我當佢哋瘋狗。」指外界不了解他的家事，更狠批子女貪財：「我帶錯咗佢哋嚟呢個世界，點知佢哋個心咁，攞晒我啲錢走，想我死！根本想我死！」

老夫嫩妻，何太被問到愛何伯什麼時，她坦言：「我鍾意佢愛錫我，我覺得幸福囉！佢幾捨得啊，又送呢啲（鑽戒名錶），試問邊個女人唔希望搵到一個愛錫自己嘅老公？」何伯亦自信表示：「根本我挑通眼眉，邊個女人呃我，我一定睇得通。」

面對何伯與子女反目，450萬畢生積蓄被取走，現時只剩4200元儲蓄，有骨氣的何太就表示「我一定會想到生存的方法」、「我返內地擺個地攤檔，在街邊煎牛扒賺錢，我都會帶埋佢。」

至於網民質疑何太一身行頭至少36萬港幣，貪靚的何太則自揭，大部分的飾物手袋都是在內地直播間買的幾百元A貨。不過與此同時，何太又大方晒出何伯送的10萬元龍鳳鐲。加上之前何伯送的戒指，手錶，總價值仍然不菲。

現如今的香港，追看何伯何太的觀眾已佔7%的人口，「何伯&何伯老婆關注組」成員已破7.3萬。其中，有網民自稱「何家子女代表」發帖指轉走父親450萬款項只為維護何姓自身權益，稱對何伯生活會負責到底，但對「後媽」無義務責任供養，又指「我們何家五子女亦會以法律行動追討在此期間新何太向家父所得的所有財產。」不過由於是匿名發言，未能辨別留言者真實身份。

年長者需要的或許只是陪伴，但這個陪伴是否別有用心，旁觀者各有解讀。

對於今次何伯夫婦的真愛宣言，大家點睇？