【識港網訊】ViuTV近日播出全新綜藝節目《淡季報錯團》，由「娟姐」練美娟帶住陳子豐丶駱振偉等去到不同旅遊景點，感受淡季出行的樂趣。不過昨晚播出一集，陳子豐就因為疑似虐待動物而惹怒觀眾，被炮轟「冷血」、「不知所謂」、「好失禮」。

陳子豐突然將糧食桶掛在羊仔的頸上，令羊隻受驚。（圖：《淡季報錯團》節目截圖）

節目入面，娟姐、陳子豐及駱振偉齊齊去到台灣一個農場，親身體驗餵飼羊群，期間陳子豐突然將糧食桶掛上其中一隻羊的頸上，該羊隻似乎受驚跑走，更不停打轉，但三位主持就繼續望住羊隻大笑，陳子豐嘗試上前拎回糧食桶但不成功，駱振偉向農場老闆請助時聽到老闆表示沒有方法可以平服羊隻時，練美娟就以一句「那就掛一輩子啊」開玩笑，三人持續因為羊隻的反應而大笑。

娟姐同駱振偉對於羊隻的反應一直大笑。（圖：《淡季報錯團》節目截圖）

事後陳子豐嘗試為事件向老闆道歉，再嘗試從羊隻身上拿下糧食桶，不過駱振偉就一直在旁描述嘲諷羊隻「其實佢就唔買嘢嘅，但係就孭住個Shopping Bag。」陳子豐亦因為自己的行為感到內疚，扮羊向老闆賠罪，不過就將大藍色水桶掛上自己身上亂跑，再一次疑似嘲諷羊隻。

駱振偉在老闆離開時疑似用朱自清的《背影》作出嘲諷。（圖：《淡季報錯團》節目截圖）

節目出街後，不少觀眾到於三位主持的行為極為反感，留言炮轟「睇到好唔舒服，虐待動物仲不斷笑足10分鐘」、「呢啲行為真係唔覺得好笑」、「今集睇到嬲啊」、「不知所謂，倒糧係羊身好好玩咩？」