【識港網訊】王祖藍昨日到將軍澳電視城出席無綫myTV SUPER 節目《一條麻甩在東莞》記者會，祖藍除即興唱起粵曲外，他的二嬸更由東莞帶來燒肉、靚雞到場支持， 祖藍咁大爆老婆李亞男試過在東莞食雞食到喊，因太好味。

祖籍東莞的祖藍早前回鄉拍攝節目介紹當地美食及好去處，祖藍笑言拍攝節目後肚腩也凸了出來。說到他好像長高了一點，祖藍表示因穿了「增高鞋」，又透露5歲的大女王天韻（Gabby）似媽媽般長得高，他笑說：「大女高度係同齡的小朋友當中排頭10位，耷低頭望個女嘅日子，時間唔多了。」育有兩名女兒的祖藍，被問到可再想追多個兒子？他說：「要問老婆，呢啲全部問佢，其實湊兩個都已經好攰， 第三個唔敢諗。」

祖藍指很多時會與老婆及兩個女兒回東莞遊玩，都有意在東莞置業但冇錢，他說：「冇晒錢，要儲錢，𠵱家經濟唔好，學費又貴，所以都會繼續喺內地做嘢，同埋訓練新人，一個人搵唔到好耐，我哋呢啲年紀大。」他又透露正為新節目《福祿壽訓練學院》招募學員，海選的學員來自各地，亦有圈中人，之後就會正式海選，而參加者當中有來自星馬、澳門及內地等，亦有藝人參加，他大讚素人參加者表演有驚喜，令他自愧不如。