【識港網訊】無綫劇集《妳不是她》，昨晚（2日）一集由「最年長熒幕CP」羅蘭及胡楓擔正上演「遲暮戀」，非常甜蜜。

劇情講述飾演丁子朗嫲嫲的羅蘭，因在老人院亂放紙飛機，引來院長及院友家屬投訴，經了解始知她為了向胡楓表白，將紙飛機當作情書，誓要送到胡楓手上。羅蘭還經常夜探胡楓，惹來他兒子和新抱不滿，極力阻止羅蘭接近胡楓，最終因胡楓開口承認「想去拍拖」，兩老終能如願並「着靚靚」夜遊香港。最搞笑的是為免招惹無謂事端，二人選擇「地下情」，人前扮不熟的二人不時在院舍低調送心心兼「眉目傳情」。

修哥與羅蘭雖已年屆91歲及90歲，但二人寶刀未老，對白、表情、動作全線到位，而現實生活中二人同樣儼如糖黐豆般。劇中與羅蘭和修哥勁多對手戲的馮盈盈，大讚兩老nice又親切：「我哋喺現場睇嘅時候，已經覺得佢哋兩個演繹得好有CP感，呢集我都有睇返，修哥同羅蘭姐真係演得好浪漫，我都睇到好冧。」盈盈還大搞食字gag，笑言修哥與羅蘭姐戲內戲外一樣咁「Sweet」：「佢哋私下都好鍾意食甜品㗎。」