【識港網訊】歌手鍾舒漫（Sherman）為彭秀慧主持的節目《自煮女人最漂亮》擔任嘉賓，節目中Sherman大談彭秀慧除了是Sherman的戲劇班導師外，原來在音樂上，亦有不為人知的合作機會，而彭秀慧亦將她音樂上的第一次給了Sherman。

雖然彭秀慧是Sherman的戲劇班導師，但Sherman卻讓彭秀慧有機會展現她的填詞才華：「當年Sherman有一個好大膽嘅決定，佢係第一個人搵我填詞，令我人生有一首歌出現於流行榜上。」所講的正是Sherman的歌曲《沉默的對話》。

Sherman一身古銅膚色向來給予人陽光氣色、健康之感，但原來她身體亦曾出現毛病：「2018年，我啲皮膚喺冇預兆下突然痕癢，有時候係頭、有時係手，處理完又好似冇事，但突然又會轉到腳趾縫痕癢，總之全身都會痕，令人好煩躁。我睇過中醫，亦有搽過唔同藥膏，發現一個重點，原來當我感到壓力好大，或好唔開心嗰陣，我啲皮膚就會痕，好似一個警號，一痕就代表我情緒唔好。」幸好有位中醫給她用珍珠末造成的珍珠丸，每次病發時服用都能夠馬上沒事。

談到感情生活，Sherman坦言現時沒有拍拖，被問到覺得哪一類男生會適合她，Sherman稱：「雖然我外表比較硬朗，唔係楚楚可憐或溫柔嘅女性，但認識我嘅人經常話我好似一個媽媽，可能我同一個人拍拖嘅時候，會唔小心好似媽媽咁照顧對方，我相信缺乏女性嘅愛或渴望母愛嘅男生，遇上我就合適喇！」

橙新闻：https://www.orangenews.hk/officelady/139193.jhtml