【識港網訊】歌手王梓軒（Jonathan）昨日出席朱古力活動，更化身神秘店長，向現場圍觀人士展示他製作獨一無二的產品：「新年同情人節將到，為咗應節，我喺朱古力包裝上設計咗兩個『甜』嘅訊息，一個係『盡情食啦』，另一個係『是你…膩了』，原本我覺得『是你…膩了』感覺甜到漏，但估唔到有同事同我講，呢句話意思可解做『睇厭』、『分手』。」似乎「神算軒」除了數學「了得」，對中文的解讀亦有特別的一套。

問到Jonathan會否親手整朱古力追女仔？他自嘲廚藝「算吧啦」，不是人人口味都適合，但他表示自己追女仔誠意十足：「大學讀書嗰陣有機會到意大利做交換生，當時喺宿舍附近嘅Café見到個心儀對象，為咗追對方，我首先買咗本遊客翻譯字句嘅書學意大利文，雖然最終到我離開意大利嘅時候都未完全溝通到，但我哋做咗筆友，我為咗佢更修讀咗兩個學期意大利文，不過最後因為自己冇耐力，感情最終淡淡然咁逝去。」

Jonathan笑言當年學到的意大利文，一直「無用武之地」，直至最近他接演由劉松仁執導的歌劇《利馬竇》，他在歌劇中飾演來自意大利的傳教士利馬竇，一口流利的意大利文終於大派用場：「今次會同陳潔儀有好多對手戲，佢係一個我欣賞嘅歌手，同佢演歌劇壓力好大，因為佢實在太唱得，同劇仲有沈震軒、古明華等，我第一次演大型歌劇，4月會公演11場，對我嚟講係個好好嘅訓練。」

原文鏈接：http://www.orangenews.hk/officelady/system/2019/01/17/010108086.shtml