【識港網訊】作為家長，總希望見證着子女無數的第一次，然而藝人林盛斌（Bob）因為忙着工作養家的關係，多次錯過子女成長的時刻，幸好近日他終於見證到細囝林道申（Jaye）第一次嗌爸爸！

阿Bob昨日於社交網上載一段影片，片到見到Jaye眼仔碌碌望着鏡頭，當阿Bob說「細佬呀，講爸爸呀」時，Jaye笑笑口叫「爸爸」，能夠親耳聽到囝囝第一次嗌爸爸，阿Bob都開心得大叫起來，看來真的十分興奮！

原來阿Bob如此興奮的原因，全因他第一次第一身見證：「因為工作關係，好多時屋企幾個小朋友嘅第一次乜乜乜我都去唔到、睇唔到、聽唔到，最多都係老婆拍片之後再send俾（畀）我睇，例如：大女霏霏第一次幼稚園畢業禮、入學禮；二女熹熹第一次踩單車、第一次學識溜冰；三女機機第一次學識爬、學識行；細佬JJ第一次學識轉身等等。仲有好多好多，我都見證唔到…. 今日終於第一次第一身親耳聽到！」

不少網民只看影片都感受到阿Bob的喜悅，直言很感動：「有同感，所以小朋友每個時刻都要睇到。」

原文鏈接：http://www.orangenews.hk/officelady/system/2019/01/17/010108112.shtml