【識港網訊】Mirror成員柳應廷（Jer）繼早前與Dear Jane及陳健安合作後，第三位找來林二汶成為合作的聯乘歌手，二人一同錄製了〈水刑物語〉、〈最後的信仰〉及〈無忘花〉三首作品，一唱一和的清徹聲音演繹，令人聽出耳油。

Jer在眾多的女歌手中找來林二汶合作，全因他一直都視二汶為學習對象，他說：「二汶無論係喺at17年代，還是做和音，佢本身把聲係超級靚。我都好想令到自己把聲有呢個層次。一路以嚟我都有好多學習對象，而二汶就係一個我會對佢嘅聲音鑽研嘅對象。加上我以前同家姐合唱時，會不停模仿不同女聲，搞到我而家把聲都有少少高音。」

二汶聽罷笑言感謝Jer會鑽研自己，不過自言都有這個嗜好，二汶說：「男仔有嗰啲聲同女仔唔同，所以我都會研究『對家』，咁唱歌可以立體啲。」就現場所見，Jer與二汶輪流唱和，有如暗中比試，期間Jer更出動真假音交替接招，有些高音更曾一度難到他，不過Jer未見氣餒，反覆試唱後，都唱出了絕佳音色，與二汶歌聲猶如渾然天成。

對於今次合作，Jer表示，其實早在《全民造星2》見到其他組別可以跟二汶合唱時已心癢癢，所以今次抓緊合作機會；身為評判的二汶，則對Jer這數月間的進步讚不絕口，而且更指他是可造之材，二汶說：「喺《造星2》專業賽嗰陣，我發現Jer唔係嗰種好想表現自己嘅人，但今次只有一個鋼琴同埋得我哋兩個嘅時候，發現佢唱歌會多好多detail（細節），呢樣嘢需要俾時間大家慢慢去發掘，因為Jer好知自己想點。〈水刑物語〉我聽過但未唱過，今次同Jer同Eagle（伴奏，《造星2》參賽者之一）夾得好開心。」

Jer亦坦言，一聽到二汶唱〈水刑物語〉非常感動，他說：「因為將二汶把聲音擺咗落我首歌，覺得成件事好新奇、新鮮呢！」 Jer@Mirror x 林二汶全新限定聯乘組合演出，將由4月22日起，一連三日分別於Mirror、林二汶及MOOV的Facebook及Instagram Fanspage中推出，敬請留意。

原文鏈接：http://www.orangenews.hk/officelady/system/2020/04/22/010146939.shtml