【識港網訊】《第41屆十大中金曲音樂會》昨晚舉行，其中「最優秀流行歌手大獎」的男女歌手得主，分別由張敬軒及謝安琪奪得，二人更是首次獲頒此獎項！軒仔發表感言時坦言今年是豐收的一年，除了有好好的團隊外，還有好好的歌迷支持，風雨同路，笑謂知道他們為他投票撳到手軟，並謂今日開始又重頭來過，約定明年在這舞台再見。
至於軒仔在表演環節中獲大會安排他夥拍舞蹈家梅卓燕，及來自台灣的大環藝術家楊世豪演出。軒仔接受傳媒訪問時，坦言專誠請楊世豪由台灣來港，重演去年6月演唱會的其中一幕，問到為今次演出自掏腰包？他表示：「具體製作我唔知，不過錄音同混音部分自己畀小數目，為咗做好件事。」鑑於之前台灣樂隊閃靈曾不獲簽證來港演出，問到軒仔會否擔心？他表示沒想過，皆因早於9至10月期間已委託製作公司處理。
對於今次首奪「最優秀流行男歌手大獎」，軒仔高興表示：「第一次拎到呢個Over size嘅獎盃，好開心，不過前晚喺另一個頒獎禮致謝嗰陣有少少發台瘟，漏咗多謝一個好重要嘅人，我要多謝陳奕迅（Eason）喺我今年派好多首歌嗰陣都會Send訊息鼓勵我，畀我哋班後輩獲得更多肯定嘅機會，佢係好錫我哋，又會畀意見點做好啲。」軒仔表示雖然現今樂壇市道不好，但氣氛仍很好，是公平競爭，猶如接棒一樣，前輩給予他們機會，他們再交棒下去，問到他這麼快打算交棒？軒仔則表示：「我嘅目標係就算唔競逐獎項，只要身體允許情況下都會出席頒獎禮支持，對我而言呢一切都要珍惜。」
另外講到已有9獎在手的軒仔有望成為本年度四大頒獎禮的大贏家，軒仔即兼稱：「唔一定，每間媒體都有各自嘅機制，特別係個人大獎會好大變數（有邊個競爭對手？）正如胡鴻鈞同周柏豪都係叮噹馬頭，柏豪更係歌影視三棲，我輸蝕啲（你有拍無綫音樂特輯！）我收咗個TVBuddy咋，唔計分嘅，不過呢個特輯以廣告時段計都好貴。」問到會否期望像古天樂一樣，能夠歌影視獎項大滿貫？軒仔表示會先做好音樂：「雖然唱片銷量同上榜成績都幾好，但始終未及古巨基、李克勤、陳奕迅佢哋當年嘅影響力，所以19年要再做好啲！」
原文链接：http://www.orangenews.hk/officelady/system/2019/01/04/010107129.shtml
