【識港網訊】藝人楊思琦擔任香港開電視節目《是敢的》新一集嘉賓，細談她的演藝之路、如何面對逆境的故事，她還分享了甚少談及的感情世界，公開與丈夫的相處點滴。

楊思琦2001年在母親的鼓勵下參選港姐，從此展開璀璨的銀色旅途：「截止報名前媽咪再叫我參加，我隨意答佢『你幫我報名我就去』，點知佢真係報名，嗰陣電視城仲喺清水灣，佢直接將表格交畀門外保安，如果保安冇幫我交表，就唔會有楊思琦。」無心插柳，楊思琦卻成為史上最多獎項的六料港姐冠軍，短短數年連奪「飛躍進步女藝員」和「最佳女配角」，更試過四年沒有放假，不斷劇接劇。

楊思琦在演藝生活上半場順極之際卻懷孕，面對閒言閒語，她說自己有「阿Q精神」：「我唔覺得係一件錯事，感情冇對錯，可能我感情路唔太平坦，但我唔會標籤自己單親就乜都做唔到，我仍然可以有好嘅家庭，做我喜歡嘅事，唔會畀人哋嘅說話淹沒自己，做媽咪後成為Superwoman，會先諗要點照顧小朋友，其他任何嘢都變得唔重要。」自言是「鋼鐵女戰士」的她還笑言，人生中做過最勇敢的事，就是生孩子：「以往嘅我弱不禁風、又怕痛、好膽小，媽咪好擔心我，生仔嗰陣點算，但我都係做咗兩次咁勇敢嘅事，所以大家都可以克服害怕嘅事，有勇氣就做到。」

去年楊思琦推出首支個人單曲《愛的森林》，鼓勵有相似經歷的同路人不要放棄，要繼續勇敢去愛：「你相信愛情嘅話，可能喺某一處等緊你，喺呢個森林入面，有時候你會迷失，只要你有耐性就會搵到出口。」正因為這個信念，也讓楊思琦遇上對的人：「認識而家嘅老公都係好隨緣，突然出現。生咗第一個小朋友後忙於工作，後來開始思考自己係咪到咗適合嘅時間，然後慢慢先見到適合嘅人，如果大家同我有差唔多經歷，唔使擔心遇唔到自己嘅愛。

挫折生智慧，現在充滿智慧的楊思琦仍然樂天，也認為上天待她不薄：大女Krystal懂事聽話，是照顧弟弟的好幫手；兒子「豬豬」能吃能睡，生長曲線超標，變成「大豬豬」；先生雖然是圈外人，卻十分支持她的工作：「佢會放手畀我工作，只係會擔心我，叫我出去唔好冷親，關心我健康狀況；另外佢都覺得，如果呢份工作係我所追求嘅，佢都會放手畀我去做。」

原文鏈接：http://www.orangenews.hk/officelady/system/2020/04/08/010145524.shtml