【識港網訊】藝人鄧麗欣（Stephy）昨日（26日）與顧定軒於天水圍為ViuTV新劇《男排女將》開工，久未拍攝港劇的她笑言閉關近兩個月是全新體驗，很久沒試過拍一套戲拍這麼長時間：「通常喺香港拍電影最多都係一個月就完成；我入行第一年拍過電視劇，之後咁多年都冇喺香港拍過，一開始唔係好習慣，但係拍咗咁耐之後，慢慢同劇組、演員增進感情，大家好似一家人咁，我見佢哋仲多過見我媽咪，感覺好親切。」

近日新冠肺炎肆虐，Stephy不諱言拍攝進度受到影響，由於取景地點很多時在室內運動場和公共地方，故很多場口要暫時停拍，亦未知場地何時重開，並且要暫時停拍等待消息。但作為演員，拍攝時一定不能戴口罩上陣，親密場面會否需要改動？Stephy坦言原定的咀戲亦因避「炎」而取消：「原本我同阿Sam（陳宇琛）有場比較親密嘅戲，本身係要kiss嘅，雖然只係蜻蜓點水咁錫，但係大家喺互相尊重嘅情況下商議過，決定借位拍攝。」

另外，Stephy日前在社交網留言「煞景」惹起風波，對此她直言誤會大得嚴重，自己也寫了篇文章解釋：「因為我寫即時動態，喺文字上冇咁複雜，用咗單句子表達。因為戲入面我嘅球隊力圖，喺嗰個場地奮鬥同成長，我哋對呢個地方好有感情，當日亦都係拍攝第五十日，完成之後大家都好開心去慶祝，所以我就講咗幾句說話形容當下心情，我都覺得要同大家解釋返，希望大家明白，唔好太多聯想。」

原文鏈接：http://www.orangenews.hk/officelady/system/2020/02/27/010141230.shtml