【識港網訊】藝人陸浩明（6號）日前於J2節目《#後生仔傾吓偈》內，將香港講成是2003年沙士（SARS）病毒的源頭，繼而受到網民炮轟，雖然他曾在社交網發文道歉，又在傳媒訪問中落淚致歉，可惜網民依舊鬧爆。到了昨晚（18號）播出的《#後生仔傾吓偈》，開頭部分播出6號的道歉聲明。

6號在片中講到：「之前我喺節目講錯咗『香港係SARS病毒嘅源頭』，我想為呢件事致歉同糾正，因為我嘅疏忽同不小心，講錯咗資訊。雖然我當時都有補充，病源係嚟自廣州一位教授，馮盈盈亦有再補充，不過我覺得當時糾正得唔夠清晰、明確，係有不足嘅地方，所以呢一刻想再糾正資訊。」

同時6號亦有讀出當年SARS的正確資訊：「喺2002年SARS開始喺廣東順德爆發，至到2003年肆虐香港。衛生署喺當年3月鎖定其中一個源頭，相信係曾經入住九龍區一間酒店、懷疑喺內地已經染病嘅廣州中山大學退休教授。」

最後6號表示如果大家之前收看節目時，因為他的口誤而牽動了情緒，因而有不舒服的感覺，為此深深致歉，他續指經過這次教訓和學習後，他與《#後生仔》製作組在處理節目內容時會更加謹慎和小心，並代表一班後生仔向當年SARS和現在為香港抗疫的醫護人員致謝，感謝他們付出的努力和貢獻。

至於舊拍檔麥明詩轉載了6號的道歉片段，並留言：「我們一定要清楚記得呢一段歷史，並向當年，同現在，冒生命危險保護香港嘅醫護人員致最崇高嘅敬意！張錫憲 鄭夏恩 王庚娣 劉錦蓉 鄧香美 謝婉雯 劉永佳 劉大鈞 PS：本人下午同節目組溝通網民提議於大氣電波糾正資訊以正視聽，節目組原來於今日早上已經錄製咗呢個聲明。相信節目組未來日子會加以謹慎！」另外馮盈盈亦於社交網限時動態貼出截圖，並留言：「承擔責任的勇氣，不逃避錯誤的態度，坦白講，這反而讓我更佩服和尊敬。」

原文鏈接：http://www.orangenews.hk/officelady/system/2020/02/19/010140396.shtml