【識港網訊】姜濤1號獲得《叱咤樂壇流行榜頒獎典禮2019》新力軍銅獎，教他喜出望外，而Mirror一眾成員能與樂隊Supper Moment合作，不僅為觀眾帶來新鮮感，就連Mirror成員都覺得擦出很多火花。

姜濤出道至今推出了三首作品包括〈一號種籽〉、〈阿特蘭提斯〉及〈一天多一點〉，都得到樂迷的厚愛，令他成功躋身《叱咤樂壇流行榜頒獎典禮2019》的頒獎台上，榮獲叱咤新力軍銅獎。姜濤對於自己得獎大感意外，他說：「因為本身冇諗過自己會攞獎，過去對於攞獎更加係冇概念，所以當真正得獎嘅一刻，先發現每個獎項對於歌手嚟講都係好大嘅動力，今次能得到新力軍銅獎係十分激勵鬥志。」

姜濤在頒獎禮中更於謝安琪（Kay）合作演出，但原來二人在拍攝前一日已事先綵排，從不懂彈琴的姜濤，更有Kay教他指法！姜濤回憶道：「跟Kay合作係好意外嘅事情，當初知道時壓力好大，因為知道自己唱歌方面仍有好大嘅進步空間，所以曾一度懷疑自己係咪有實力同她合作演出一個項目。喺合作嘅過程中Kay好耐心地教導我，所以好開心亦好感激佢。」

至於Mirror昨晚亦有參與演出環節，與Supper Moment合作演出，不過因為兩個單位都是大忙人，所以只能在拍攝當日埋位前夾走位，不過眾人都十分專業地交出功課。

一隊跳唱組合，與一隊樂隊同場演出，Ian表示獲益良多，他說：「其實Mirror成員本身都好鍾意睇Band Show，而我哋本身係跳唱組合，同樂隊演出時所帶出嘅感染力係截然不同，今次能夠同Supper Moment合作，可以近距離感受到佢哋嘅魔力，學到好多嘢，好開心！」

原文鏈接：http://www.orangenews.hk/officelady/system/2020/01/02/010135793.shtml