【識港網訊】歌手J.Arie（雷深如）最近與小肥（徐智勇）合唱電影《獅子山上》主題曲《哪懼牆攀不上》，獲得不少電影觀眾和聽眾的喜愛，歌曲成績同樣不俗，不少人聽到歌曲後都驚嘆歌曲非常難唱，J.Arie亦坦言：「因為呢隻係一首好有energy同熱血去演繹嘅歌，小肥尤其需要高八度去唱，我到最尾都有一個好長嘅音要拉嘅。」

除了合唱版外，J.Arie亦獲導演建議後續製作一首女生獨唱版本，需要感性演繹，與合唱歌感覺完全不同：「唱呢隻歌嘅難度，首先莫過於一開頭需要完全清唱。短短幾句入邊，我好似已經經歷完一套90分鐘電影，將劇情情感消化完，再由我嘅歌聲講故仔一樣，都真係幾難㗎！」她表示之前大家認識她的電影歌，大部分是葉念琛的慘情失戀主題曲，然而這次《哪懼牆攀不上》在演繹上需要更細緻，每一句收放都要很準確，情感每刻都要到位，做到收放自如，歌曲才會動聽。

此外，J.Arie更初試牛刀首次嘗試剪片：「剪返自己真實錄音時候嘅花絮，原來發覺剪片同錄音一樣都係好好玩，自己都好有興趣再試！所以今年都真係有好多新嘅嘗試，希望一路都可以keep住一顆好學嘅心啦！」

原文鏈接：http://www.orangenews.hk/officelady/system/2019/12/27/010135375.shtml