【識港網訊】歌手衛蘭（Janice）和衛詩（Jill）將於下月7日，聯同Robynn & Kendy、樂隊FreshLife、新進唱作歌手Zino Chan等單位，參與「幸福傳聲基金會」主辦的「一首歌一個希望」慈善音樂及生命分享會2019，以歌聲傳達愛與希望，撫平生命的傷疤。

Jill於10年前在日本涉嫌藏毒，導致事業一鋪清袋，更遭唱片公司解約，談到這段過去，Jill坦言以前的自己曾經很迷失，經歷了人生最低谷的時期：「咁大個女從未經歷過咁抑鬱、咁孤獨嘅時間，我唔敢出街，只係想收埋自己，試過想放棄一切。」

雖然那是最壞的時間，但也是最好的時間，Jill指Janice是她的天使，而鄭秀文（Sammi）的鼓勵也是雨後春筍：「當時Sammi帶咗好多書嚟探我，其中一本就係我嘅第一本聖經，佢同我講：『就算所有人都覺得你唔好，唔緊要，最緊要係神點睇你、你嘅身份係神嘅女兒，唔好介意其他人嘅話語。』我感受到神嘅力量，係實在地拯救咗我。」現時Jill除了身體力行投身慈善工作，亦希望藉著歌曲，鼓勵同路人走出低谷。

衛氏姊妹與一般兄弟姊妹一樣，從小受到親朋好友的比較，Janice坦言二人自小心存競爭：「我哋細個感情唔好㗎，始終我哋係孖生姊妹，由細到大都被別人比較，自自然然令我哋產生咗一份競爭嘅心態，所以我哋成日吵架，無辦法用平靜嘅心態同對方溝通。」

直到12年前Janice成為基督徒後才開始學習愛人的方法：「人有五種愛嘅語言，其中一樣係『肯定的說話』，踏出一步、用正面嘅說話去鼓勵妹妹，慢慢地，當佢感受到被愛、知道我有幾愛佢，我哋嘅關係變得愈來愈好，依家係我哋感情最好嘅時候。」

原文鏈接：http://www.orangenews.hk/officelady/system/2019/09/24/010127182.shtml