【識港網訊】歌手雨僑與老公羅力威上年結婚後一直恩愛，仲不時嚟個甜蜜旅行，點知最近佢哋同朋友飛去泰國布吉旅行，竟然出現婚姻「危機」？

話說佢哋一行人去咗食街邊嘢，不過羅力威無論係天氣環境定食物質素都唔滿意，最後搞到黑面之餘，仲忍唔住拍片，兼喺社交網投訴一番：「一個二個講到街邊野（嘢）有幾好食幾好食，唉好啦我陪下你地（哋），求其咬兩淡（啖）啦。首先環境已經唔講，當焗桑拿，一食第一淡（啖）把鬼火，咪就垃圾，但真係有人話好味仲食兩碗，認真吹漲（脹）！」

不過面對羅力威嘅「控訴」，雨僑不但冇安撫老公，反而食住花生睇佢黑面，兼拍埋片畀大家睇吓老公點樣躁底，佢仲喺社交網留言：「就有個人被迫跟我地（哋）去食佢最憎嘅街邊嘢，又唔啱食，又熱，黑晒面，我地（哋）一齊欣賞下佢心口啲汗同充滿張力嘅表情，又或者細閱番佢自己現身說法」雨僑更好唔畀面咁話：「#羅力威黑面 #你試吓search #喺google有幾千個result #原來係真」

原文鏈接：http://www.orangenews.hk/officelady/system/2019/09/05/010125662.shtml