【識港網訊】藝人張致恒（Steven）早前突然宣佈與粉絲雯雯結婚，對方更為他誕下兒子，然而隨即被踢爆一腳踏五船，當中由正印變舊愛的梁皓恩（April）打擊最大，Steven其後於社交網公開向April道歉，April亦終於在日前蒲頭拍片報平安。

這次桃色風波看似告一段落，不過雯雯昨日於社交網晒出抱B照，並留言表示自己知道事實和真相便足夠，更表示最重要是要堅強看繼續向前看，及後到今日凌晨時再於社交網限時動態發文，坦言感情事沒有對錯：「世界上冇人唔會做錯事，你同我都一樣都會有錯嘅時候，至於值唔值得原諒，每個人都會有唔同睇法，而我就覺得都未比（畀）機會，唔通就要判人死刑？感情事從來冇對與錯，自己覺得值得就繼續，就算全世界幾唔睇好喺度鬧，自己選擇嘅就要努力同佢一齊行落去。」

同時她更希望大家停止傷害和侮辱小朋友：「至於小朋友成長會係點，開心唔開心好同唔好，都唔係你同我可以去做結論，既然佢已經嚟到呢個世界，就俾（畀）空間佢去行佢嘅人生，所以希望大家可以停止去傷害同侮辱一個只擁有一顆天真嘅心，無論發生幾唔愉快嘅事，都係會帶住笑容的小朋友，我仍然相信每個人都有善良嘅心。」

原文鏈接：http://www.orangenews.hk/officelady/system/2019/08/19/010124221.shtml