【識港網訊】早前，國泰航空違背商業原則，參與香港反修例示威，仲有觸犯相關法律。中國民航局針對國泰航空近期出現的安全風險及隱患，向國泰發出重大航空安全風險警示，要求國泰航空飛往內地和內地領空的機組人員身份資料必須審核通過後才會接收該航班，同時要求處理參與和支持非法遊行示威等人員。

近日，國泰航空按照中國民航局要求處理相關人員，而且國泰航空出現高層「地震」，英籍行政總裁何杲、顧客及商務總裁盧家培雙雙請辭。何杲表示咁做係「對公司近月所面對的事件負責」。同時，國泰航空原定於八月十八日係尖沙咀一酒店舉行嘅招聘都因為不可知嘅原因取消，仲未知下次招聘幾時舉行。國泰航空近期一系列調整措施，反映出犧牲經濟利益表達政治立場，不會是國際企業的堅持目標，也不會為政治運動買單。

國泰航空本應提供專業化的航空服務，但近幾個月卻積極投身反修例示威。七月23日國泰航空空乘工會呼籲去機場「搞事」，七月廿六日國泰航空機長利用機上廣播支持暴力示威，八月五日超過三千名國泰員工參與罷工，八月七日國泰將台灣同香港列係國家位置行為俾人爆出，仲有人指控國泰員工將香港警隊人員航班訊息PO上網……飛機師、空乘人員都係人，都有自己嘅政治立場都觀點，想投身社會運動，呢啲嘢係個人權利，人人都應該尊重。但係，利用飛機廣播、利用職權，將自己嘅觀點強加到啲普通乘客頭上，唔係一個專業航空人員嘅表現。利用工作方便，將客戶嘅個人信息擺上網，就更加冇職業道德嘅行為。既然香港警隊人員可以付費坐你地班機，接受你地嘅服務，就係你地嘅顧客。你可以睇佢唔順眼，但冇人俾你權利將佢信息PO上網。

國泰航空處理相關人員，調整高層人事，可以看出國際企業仍然以經濟利益為重。當然也有人話咁係「政治清算」，毫無疑問，說這話的人本身是政治狂熱份子。國泰航空觸犯相關法律在先，洩露他人隱私，存在嚴重的安全隱患。一間公司要去國外拓展業務，必須遵從當地政策法律、風土人情嘅嘢。如果唔係，好容易有法律或者其他風險，甚至全盤戰略失敗。國泰航空上個世紀40年代係上海成立，之後好快遷黎香港，不單只係內地有開展業務，仲有大量航線經過內地。成70年風風雨雨，點可能對香港，對中國內地嘅觀點、態度、立場、形勢，冇一啲啲了解？「搞搞陣」會觸怒內地，引火燒身，咁大間公司，冇諗過咩？

國泰航空作為一間國際大企業，運作當然以賺取經濟利益為首要目標，堅持違反香港和內地法律以支持政治狂熱份子，註定使企業覆沒，相信國泰航空是作出正確的決定。八月初開始國泰成為沽空目標，股價跌完又跌，一度跌到10年低點，十四日沽空額更創逾兩年新高，達到1.3億元。損失咁多錢，仲唔喇喇声採取行動？先炒飛機師，又發聲明話對不合法運動「零容忍」，最後行政總裁、商務總裁雙雙辭職。大公司睇得好明，傷左就要退，一啲意見領袖都睇得好明，一有危險即刻走鬼去國外。咁你話，真正留低落黎面對香港終局，俾人當箭靶，當炮灰嘅，又係邊啲人呢？