【識港網訊】光是一首好聽動人的主題曲就能令觀眾對劇集加分，這幾年大台的電視劇，主題曲多數都是由某幾個歌手主唱，聽起上來都一般，講起以前的真的無得比，以下這幾首都是來自2000年！

1.《男兒再不負深情》-《楊貴妃》主題曲

唔知各位有無睇最近的一個信用卡廣告，是由向海嵐演出，亦都是她事隔17年，再穿起貴妃裝，筆者覺得她跟當時沒什麼分別，依然非常有氣質。當年由她擔當主角的《楊貴妃》可謂有氣質又有說服力。

那時候的主題曲由李蕙敏，歌名《男兒再不負深情》紅極一時。部份網民到現在還會拿出聽，他們都大讚歌曲的詞寫得好，翻看過資料，發現原來是由已故嘅黃霑嘅作品，難怪會寫得如此有詩意。

2.《藍天》-《男親女愛》主題曲

呢首深信唔洗小編講，各位都有聽過這首神曲吧。

這首是來自處景喜劇《男親女愛》，雖然劇情未必記得，但就一定記得呢句「藍藍天空高掛我的夢」，唔知大家又有無聽過，呢首歌係黃子華親自填詞！

3.《天地有情》-《創世紀II天地有情》主題曲

對於《創世紀》，好多人都會記得陳錦鴻在劇中對住羅嘉良問「呢個世界公平咩？」

不過對90後嘅筆者嚟講，最深印象反而是由羅嘉良(撈家)主唱嘅《天地有情》，總覺得聽起來非常有希望的感覺。「如果彼此心中有情如果決定擊倒宿命請相信最後能戰勝就憑拼勁可衝出這一個逆境」是不是非常正能量呢？

4.《祝君好》-《十月初五的月光》主題曲

「如果沒擁抱共你可到老」深信這代都無人唔識唱啦。呢首歌可以話係代表住劇集入面文初嘅心聲，真到嘅人都覺得傷心。

2015年葉念琛擔當導演加編劇，將劇集改編做電影，主題曲就沿用呢首歌。筆者就覺得…….葉導你都係唔好搞一啲經典作品啦，由佢一直經典咪幾好。

5.《君子好逑》-《金裝四大才子》主題曲

嘩！呢部應該係少有男、女角們都有參與嘅一首主題曲，由歐陽震華、張家輝、關詠荷、陳松伶、林家棟、魏駿傑、翁虹、文頌嫻全都有參與主唱。

這個故事是參考自江南四大才子、唐伯虎點秋香等的題材。

是難得的古裝長喜劇，我想要集齊原班人馬再唱一首歌、拍一部劇都是非常難的事。

原文链接：http://www.orangenews.hk/lifestyle/system/2017/11/17/010076660.shtml