【識港網訊】賭王何鴻燊三房千金何超蓮今日出席Barbie活動，她笑言兒時玩伴是龍鳳胎弟弟猷啟，不過她表示小時候沒有很多玩具，通常玩爛一個才換一個：「因為以前會同細佬搶玩具，有太多就唔識珍惜。」她亦踢爆有年生日爸爸買了幾大袋玩具給他們，然而全數被媽咪充公，當他們成績或表現好時才「發放」一件。

超蓮又笑言做龍鳳胎很慘，皆因弟弟頑皮會「連累」她一起被罰，但仍有好處：「一齊被打屁股，可以互相開定凍水浸Pat Pat！有次弟弟著薄褲，我著棉襖褲，媽咪見我打唔痛，除褲再打過，好似打到中學才冇打！（爹哋幫口？）佢會話幫媽咪打，會好輕力同扮打。」

提到猷啟的女兒，超蓮表示不會買玩具給她，因侄女只愛跟貓玩，認為小朋友從小與動物相處，免疲力會更好，不認同因生小朋友而棄養寵物。至於會否想生小朋友？超蓮則指猷啟的女兒得意，自己只想「玩住先」。

此外，問到會否想搞Barbie婚禮？她表示：「我唔會回應，我都冇講過會閃婚，我冇呢個計劃。」另談到超蓮染黑髮是否因為男友竇驍時，她否認並指自己從未染過黑色想試一下，但坦言獲男友讚賞，她又爆男友有光顧其牛肉麵店：「佢鍾意食鹽酥雞（要求你親自下廚？）冇（一齊煮飯仔？）冇。」

原文鏈接：http://www.orangenews.hk/officelady/system/2019/07/15/010121453.shtml