【識港網訊】追女仔、搵老婆，最重要嘅係咩？魅力？即使剛開始被你迷倒，時間久了還是難維持。外型？香港女仔喺呢方面要求出名低。錢財？當然，但呢樣嘢對絕大多數呢一代港男黎講，都係天生嘅—你屋企有，你就有。冇嘅，靠自己份糧，有極對恨錢同美好物質生活嘅女仔嚟講，都唔夠。

有咩係可以男士自己努力可以得到而女仔真係睇重嘅呢？才華？又係一樣追女仔時有用但長遠唔會再care嘅嘢。各位，我俾一個最貼地嘅答案大家：車。女士們其實好似有公主病，被男士寵愛。生活中最令女士頂唔順嘅，其實係交通。靚嘢食、靚衫、靚地方，呢啲係額外、optional嘅嘢，可以食普通啲、著普通啲、住普通啲。但係唯獨一樣返唔轉頭嘅，係有男朋友車佢。點解？因為嗰種不勞而獲嘅感覺，自己男友為自己付出嘅感覺，嗰種自動波有A到達B嘅感覺，實在讓佢可以脫離現實世界。

曾經有位女友，同我分手後同咗位冇車嘅男仔一齊。女仔變返要自己搭車，又住得遠，結果兩個月後頂唔順，半出軌同番我一齊（一陣）。也有位女友，說平生最喜歡搭地鐵，喜歡行路，結果同我一齊後，過吓海塞車時間金鐘去尖沙嘴都唔肯搭一個地鐵站。行路，更係難上加難。

各位男士，買車這個目標，不離地。女生不求靚車—跑車對佢地冇用，橫掂你有幾多身家佢好快知。只要有部方便好坐嘅四門房車就好。10萬左右搵架二手，然後租個3千左右車位。男士們，你就一定會搵到你嘅幸福。

原文鏈接：http://www.orangenews.hk/lifestyle/system/2019/06/25/010119967.shtml