【識港網訊】香港迪士尼樂園度假區，20周年奇妙同樂派對持續火熱舉行，香港迪士尼樂園度假區行政總裁莫偉庭今日（7月13日）宣布，為慶祝度假區20周年，社區門票捐贈增至20萬張，並推出全新獎學金計劃，支持年輕創意人才。

自6月28日，香港迪士尼正式展開為期一整年嘅20周年慶祝活動，莫偉庭介紹，當日有超過1000位來自本地同海外嘅內容創作者、傳媒朋友同商業夥伴到場支持，為活動帶嚟廣泛媒體報道，亦成為社交平台熱話，香港迪士尼樂園成為全球焦點。活動更成為本港近期最受注目嘅盛事之一，成功吸引大批本地同海外賓客，帶動旅遊業，進一步鞏固樂園作為區內旅遊旗艦嘅地位。

莫偉庭透露，為慶祝度假區20周年，香港迪士尼今年社區門票捐贈增至20萬張，希望同更多人分享奇妙歡樂。據稱，活動反應非常熱烈，公司已收到超過500間NGO既申請。

「由今個月起，我哋將會陸續推出多項充滿驚喜嘅社區項目：首先，我地推出全新獎學金計劃，支持年輕創意人才；另外，又會向本港醫院捐款，提升病童嘅體驗；喺青年培育方面，兩個星期之後，充滿動感活力嘅 20周年青年舞蹈挑戰賽將會正式啟動！」莫偉庭說，未來充滿無限可能，我哋期待繼續喺香港，寫下更多奇妙篇章。

據悉，香港迪士尼樂園度假區今晚8點15分將舉行名為「星夢光影之旅：星空派對」的迪士尼20周年特別版煙花表演，香港商報全媒體平台將進行現場直播，敬請廣大讀者收看分享。