【識港網訊】「寰亞音樂」其中兩位唱將，馮允謙（Jay）和陳健安（安仔），一同在12月12日推出個人專輯，前晚（15日）他們更一同在尖沙咀星光大道梳士巴利花園活動平台舉行「Jay Fung x On Chan MUSIC NIGHT AT THE HARBOUR」音樂會，他們的家人、新碟歌曲班底、音樂人朋友等捧場。在四面台上演出，Fans和途人逾千人圍觀，反應非常熱烈，他們即興encore，全場尖叫歡呼。

音樂會由Me&的黃淑蔓（Feanna）和連家穎（Vian）打頭陣，接着Jay和安仔出場，合唱安仔新碟內作品《我違和但我不糾正》 。之後安仔獨唱後並分享了兩個故事：「早幾年有一個朋友因病離開咗，佢臨走前一晚，叫曬啲朋友去醫院見佢，佢每一眼都好用力，好好記住每一個人。我亦諗起第二個朋友，早前佢有一位好親、好愛嘅人離世，佢覺得生無可戀，甚至乎諗過自己都離開呢個世界。我呢首歌係想送畀我現世嘅朋友，希望當你有啲諗唔開嘅時候，好似歌詞所講，每個人心入面都有美好嘅嘢，值得我哋留喺現世，就好似『象牙白』呢隻顏色，就算褪色仍然優雅。」然後他唱出新歌《心裏尚有象牙白》和《當我們返回現世》。

接着Jay出場，一口氣唱出多首新碟歌曲，台下Fans熱情揮動燈牌和歡呼。安仔再度上台，Jay表示當年參加歌唱比賽時，安仔以C AllStar身份擔任表演嘉賓，他記憶猶新。原定二人合唱《遠在眼前》後完騷，但Fans反應太熱烈，狂嗌encore，Jay和安仔即興拉埋捧場睇騷的音樂人，再唱兩首，音樂會才圓滿結束。

音樂會後，Jay和安仔都表示非常喜歡戶外表演，安仔說：「見到好多人圍觀好熱鬧，唱歌嘅時候仲見到有船駛過，感覺好特別。」Jay透露唱歌時吸了一口冷風後咳嗽，狂飲水紓緩。