【識港網訊】歌手周柏豪最近被指獲劇集《再創世紀》拍檔鄧佩儀（Gloria）主動出擊而傳出緋聞，他昨日出席品牌開幕派對時則否認傳聞，直言整件事太突如其來，並大讚對方是個很Sweet的女生，對每個人都很好：「我都有睇網民留言，好開心有啲明眼人會明白事理，不過亦有啲偏激嘅會攻擊佢，我好戥佢唔抵，但我自己就得啖笑。」

柏豪透露與Gloria是好朋友，直言男女也可以做朋友，不一定有特別關係，更指對方住在他隔壁屋苑，自己亦有駕車送她回家，而太太亦知情：「太太雖然唔識佢，但有啲common friend（有冇同太太解釋收過Gloria送嘅禮物？）我的確收過一次佢送嘅禮物，而我每日都會收到5、6份禮物，點解釋得咁多，太太會明白唔會問，佢係個好叻嘅人，就算有唔愉快嘅情緒都唔會表露出嚟令我難受，因為明白到我嘅工作難免會連帶呢啲新聞，就算全世界唔信我，最重要係太太信任我。」最後柏豪亦大方稱讚Gloria是一個好好的女仔。