【識港網訊】漫威超級英雄電影《復仇者聯盟4：終局之戰》（Avengers: Endgame）終於喺今日（24號）正式上映，唔少影迷都希望早睇早享受，好似喺香港今朝6點嘅場次已經爆晒，有啲網民仲話睇完直接返工，實在令人佩服！

至於台灣最早播映嘅場次同樣喺今朝6點，而台灣天團五月天嘅阿信就成功飲到頭啖湯睇到第一場，搞到佢都忍唔住即刻喺社交網曬吓命：「第一次早上六點看電影 2019 / 4 / 24 ⋯ 紀念一下」除咗曬命外，阿信仲順便宣傳五月天下個月上映嘅新戲《五月天人生無限公司》，更搞笑「恐嚇」粉絲話：「2019 / 5 / 24 ⋯ 剛好一個月後，沒有來看五月天電影，我們就會變成⋯記 仇 者 聯 盟！！！！！」唔少粉絲都羨慕阿信可以睇到頭場，仲叫佢唔好劇透，否則偶像都冇情講！

原文鏈接：http://www.orangenews.hk/officelady/system/2019/04/24/010115122.shtml