【識港網訊】現年44歲嘅型男吳彥祖（Daniel）雖然作為男神代表，但佢一直有一個唔少男士都會遇到嘅問題，就係隨住年紀增長甩頭髮！其實Daniel早喺上年已經暗示自己面對脫髮危機，佢喺社交網晒出一張16歲左右嘅相，仲直言想啲頭髮好似嗰陣咁，好似真係幾擔心。

不過Daniel似乎真係逃唔過甩頭髮嘅命運，近日佢喺街到被網民「捕獲」，其後網民上載嘅合照中，見到着住白衫配牛仔褲嘅Daniel無論外貌抑或身形都Keep得相當好，只係當將視線向上移到頭頂嗰陣，就會發現佢嘅髮線真係向後移咗唔少，就算有個靚仔樣都救唔返！

其實今年1月拳擊運動員潘啟情曾經喺社交網上載一張同Daniel嘅合照，並透露對方喺佢到Training，當時已經見到剪咗平頭嘅Daniel髮線後移得幾誇張，唔知緊張自己頭髮嘅Daniel會點樣拯救「消失的頭髮」呢？

原文鏈接：http://www.orangenews.hk/officelady/system/2019/04/24/010115087.shtml