【識港網訊】《復仇者聯盟4：終局之戰》上映在即，市面宣傳攻勢如火如荼，連消防處、天文台等7部門都加入，在Facebook專頁利用「任何仁」、「度天隊長」、「大嘥鬼」、「滴惜仔」、 「清潔龍阿德」等代表，合體成「守護者聯盟4HK」，號召市民在各方面守護地球，引起網民熱議。

消防處號召，「部門穿越，正信息集結，聯盟4 Hong Kong」，更形容「任何仁」雖然「唔識飛、冇異常大舊肌肉，亦唔會有超級癒合！但係佢勇敢，亦有好強嘅應急能力。佢嘅使命係不計代價鼓勵任何人學齊終極絕招『應急三識』，隨時加入守護地球人行列」。

其他部門亦有加入「守護者聯盟4HK」，天文台的「度天隊長」就在Facebook宣傳使命：「面對變化多端嘅天氣，我哋都會全力以赴，服務市民，亦會努力傳播正確嘅氣象知識」。

環境局的吉祥物「大嘥鬼」就發動號召，「超級英雄終極集結，守護地球，守護香港！單單講同口號，係唔夠㗎，起身啦….大家都有責任㗎！用少一支飲管、一個遮袋唔算係咩，但係…….集合咗大家嘅力量，我哋就可以發揮最大能力喇」。

漁護署

而漁護署的「B仔自然教室」就提醒市民，「大自然已經在改變，誰都不能回到以前。我們只能全力以赴，最好的方法就係，保育我們的生物多樣性。」

食環署的「清潔龍阿德」就話，「清潔，係我嘅使命；香港，係我嘅屋企。一個人嘅力量有限，但只要齊心，香港人就有無限動力。由今日開始，一齊#AssembleForHongKong 。只要團結一致，我相信香港一定會變得更好。」

連衞生署吉祥物「匿獅Lion」也參與其中，「為咗保衛地球人類嘅性命安全，本獅都要變身做超級英雄，呼籲大家多啲郁一郁，咁先可以健康啲，長命啲，大隻啲，仲好似我咁靚仔添！」

而水務署的吉祥物「滴惜仔」亦號召，「滴惜，即係每一滴都要珍惜。邊度有人嘥水，邊度就有我。好啦懶有型完畢，嘻。守護香港水資源唔係淨係靠我㗎，大家都要一齊慳水，打擊嘥水！」

原文鏈接：http://www.orangenews.hk/news/system/2019/04/23/010115049.shtml