【識港網訊】藝人黃宗澤（Bosco）喺噚晚舉行嘅「微博星耀盛典」活動中，憑《飛虎之潛行極戰》獲頒「微博人氣電視劇男主角」，另外又同吳卓羲一齊獲得「微博人氣電視劇拍檔」。見到之前腳受傷嘅Bosco終於唔使再用拐杖，佢都直言因為年紀大康復時間慢，依家有種老懷安慰嘅感覺。佢仲話太耐冇健身，望住啲腹肌走又捉唔住，覺得好嬲，想做返多啲運動搵返啲肌肉添！

提到好友吳卓羲宣布重返樂壇，問到被網民指樂壇欠佢一個交代嘅Bosco會唔會想唱返歌？佢就話睇吳卓羲頭：「我都想同佢合唱，但佢都好辛苦，同佢月中就開工拍劇，睇嚟佢出歌要等到年尾。」同時佢仲以古天樂嘅金句話：「我好鍾意唱歌，但我唔識唱歌，係好好嘅人生座右銘（擔心荼毒樂壇？）依家啲人有智慧，唔易荼毒（怕引嚟瘋狂洗版？）洗版係一個氣氛，真係要聽唱功搵容祖兒啦，人貴自知啊！」

原文鏈接：http://www.orangenews.hk/officelady/system/2019/04/12/010114252.shtml