【識港網訊】台灣天王周杰倫（周董）自2016年推出大碟《周杰倫的床邊故事》後，一直未有新碟面世，唔少粉絲都等到頸都長埋，直到早前佢喺社交網留言：「該是寫歌的時候了」重燃返大家嘅期望，而喺噚日（10號）周董更宣布正式開始錄音！

周董噚日喺社交網晒出喺錄音室嘅相，見到枱上竟然有至少10杯周董最愛嘅珍珠奶茶，原來係佢嘅朋友為咗慶祝佢終於開始錄音，特登買珍珠奶茶嚟探班，周董留言：「今天朋友們帶了我最愛的珍奶來探班，慶祝終於開始錄音！竟然有烤布蕾珍奶，這太誇張了吧！」

網民見到成枱珍珠奶茶，已經冇乜人擔心周董會唔會飲唔晒，反而係問周董：「是為了飲料才來錄音的吧？」更有人好奇周董會否寫一首《珍珠奶茶》去表達對珍珠奶茶嘅愛呢？

原文鏈接：http://www.orangenews.hk/officelady/system/2019/04/11/010114174.shtml