【識港網訊】現年29歲歌手陳凱詠（Jace）去年初遭環球唱片雪藏，去年11月環球唱片回覆傳媒指「雙方理念不一致」證實離巢消息停止合作，Jace停工休息了1年多，今日（20日）終現身出席公開活動，宣佈與環球已經約滿，現在重新出發。

Jace唱得又跳得，本來形勢大好。

陳凱詠今日出席時裝品牌活動，興奮宣佈與環球已經約滿：「我重生喇，好開心有品牌邀請工作，都好心急再去做新音樂，亦都很掛住現場演出。」有傳英皇、華納唱片等邀她加盟做一姐，Jace笑說：「唔係…呢段時間好多前輩好愛惜我、好幫我，自己有好多地方唔識，有請教佢哋，所以有唔同傳言，但想自己學習一下。」

她早前去了美國數月，激發了不少音樂靈感，表示希望能於今年推出新歌。

Jace目前獨立發展，被問到是否與舊東家有不快經歷而嚇怕不再簽公司，Jace澄清「唔係經歷唔好，經歷好好㗎！我好多謝以前公司所有同事同埋大家，因為之前嗰段時間我覺得自己行得好快、好多嘢都未識，但係好多人幫，點都好多謝之前嘅經歷。我個人就既來之則安之，所有經歷都係好，只不過呢一刻可以選擇嘅話，我想試吓自己學習多啲。」並表示希望能於今年推出新歌。