【識港網訊】已故天后李玟（Coco）生前控訴《中國好聲音》賽制不公的影片引發一系列風波，在議論紛紛下，浙江衛視也宣布停播《中國好聲音》，調查節目的問題。日前，與張國榮同期出道，同時曾參加《中國好聲音》第二季的鍾偉強（Simon）接受傳媒訪問時評論《中國好聲音》，大爆節目內幕更力撐李玟，直言《中國好聲音》應該公開道歉。

訪問中，Simon認為李玟帶病拍攝是不容易的，又指李玟作為樂壇大前輩，《中國好聲音》沒有尊重李玟：「李玟做歌手已經28年，做一個歌手佢有佢嘅原則，你要了解一個歌手真係有佢嘅性格，做導師你都要畀返啲尊嚴我，唔通你叫我行一步就行一步，呢啲叫導師？你要知道，佢（李玟）已經唔係一個簡單嘅歌手，錢，我諗對於佢亦都唔係最重要嗰部分。如果你用強勢夾硬去剝削佢嘅尊嚴，我覺得…錯咗囉。我覺得李玟攞唔到應有嘅尊重，我覺得好莫名其妙，人哋病都出嚟同你唱，唔話得喇啩，你都睇到佢唔舒服，錄影係咪應該停一停？」

Simon評論，如按照李玟在影片所講，在她隊伍的學員得到88分，沒有獲得重唱機會，但另外一位73分的學員卻可以有重唱的機會，這實屬一個不尊重學員的表現，更認為《中國好聲音》應該反思和道歉：「佢（《中國好聲音》）辜負年輕人和參賽者對節目嘅尊重！」、「我覺得佢個賽制真係要改，或者係真係出來公開say sorry！講對唔住！」

對於李玟控訴節目組，直接說出不公表示支持，稱：「我係好欣賞佢（李玟）好有勇氣，如果係我我都會。」

他也在訪問中分享，指當時參加比賽期間，燦星（《中國好聲音》關聯公司）希望與自己簽約：「佢話好想我即刻簽！你知我哋喺香港慣性，你畀我睇睇，睇完我畀律師睇，睇完有咩加加減減就大家再傾，傾啱先簽，我哋嘅模式係咁樣。」但是，合約竟然要簽9年，他指自己立即「呆了」，最後亦沒有答應簽約。

被問到合約會否對名次有影響，他說：「呢個係電視台搞嘅節目，都有機會咁樣發生，因為你唔簽畀佢，第時你喺佢比賽上面表現好好，其他人撬走咗你，咁佢咪白做？佢純粹係保護自己電視台利益。」

事實上，與張國榮同期的歌手鍾偉強來頭不少，他早在1977年參加麗的電視舉辦的亞洲歌唱比賽中贏得冠軍，力壓當年同期參賽者張國榮。後來Simon因入行後不適應娛樂圈生活，所以才轉行賣保險。

直到2012年，鍾偉強參加中國內地選秀歌唱節目《激情唱響》並奪全國第五名，以及在2013年參加第二季《中國好聲音》以極好狀態翻唱《Rolling in the deep》及《Hey Jude》等歌曲，引起大家關注這個才華歌手。鍾偉強現為歌唱老師，並自組製作公司為自己創作音樂。