【識港網訊】藝人陳敏之近年主力開拓網上市場，除了開設個人YouTube channel，亦密密接廣告！最近更被政府睇中，拍攝網上宣傳短片呼籲家長帶細路接種新冠疫苗。

向來有「索腿天后」之稱的陳敏之，對囝囝雷子樂照顧無微不至，轉眼間阿仔已經六歲上小學，身為阿媽的敏之好緊張囝囝在疫情下返學會中招，所以一早帶個仔打齊新冠疫苗，當敏之聽到醫生講到醫院重症病例更皺晒眉，令她想起囝囝小時候發高燒都很徬徨，「當他（子樂）發燒至39度以上，我就癲了，會疑問究竟需否入院，並留意著他千萬不要抽筋，不要腦炎，有事會馬上飛車去醫院。」呼籲家長要好好保護小朋友，盡快去打針。

陳敏之聽住兒科醫生講到醫院重症病例，馬上皺晒眉。

陳敏之除了忙於幕前工作，近年更進運埋商界，雖然自家曲奇餅品牌面對著疫情，要暫停香港的業務，仍無損她做生意的雄心，最近又有新搞作，宣布創立個人護膚品牌。不過敏之幾忙都好，都將個仔放在首位，每日親自揸車送個仔返學放學，趁個仔返學的時候，或者放學安頓好他，才會開工為事業搏殺。

陳敏之囝囝雷子樂轉眼間已升讀小學了。

就快到十二月，是子樂的生日月，雖然敏之在社交平台透露，將會非常之忙碌，不過向來重視親子時光的她，必定為囝囝準備了生日慶祝活動。早排敏之仲參加埋學校秋季旅行，看來敏之分身有法，事業家庭都兩得意。

圖：橙新聞、sharonchanmanchi@IG