移動版
在這裏認識香港



MIRROR 9子現身叱咤記招
2022-11-11 11:04

【識港網訊】《2022年度叱咤樂壇流行榜頒獎典禮》今日舉行記招,MIRROR只有9位成員出席,AK、Edan(呂爵安)及Tiger因工作未能出席。自紅館演唱會意外發生後,Anson Lo(盧瀚霆)首次出席公開活動及會見傳媒,更談及阿mo。另外,續早前Edan推出新歌《攀上天梯的螞蟻》後,Anson Lo亦會推出他的首次個人電影主題曲。

Anson Lo於紅館意外發生後,曾被批冷血。(圖:ansonlht@IG)

Anson Lo接受訪問時表示,這兩個月無論是MIRROR、舞蹈員及公司的同事都很難過,但很開心各位粉絲守護著我們,他更希望外界繼續關注阿mo︰「我哋唔會忘記,大家要繼續祈禱,繼續send一啲關心,俾多啲attention佢,畀多啲正能量佢。」

問到有否探望阿mo,Anson Lo表示暫時未能探望:「佢家人還未準備好,我哋都係每日保持聯絡了解他有咩需要,我哋12個都會盡量配合。」而當問及So Ching時,他坦言沒有主動聯絡她,只透過公司溝通:「反而最關心都係阿Mo傷勢,仲有dancer朋友嘅情緒,大家都要時間去康復。呢兩個月大家互相關心,溝通下彼此諗緊咩,呢個都好緊要。」

《永順街39號》是Anson Lo第11首作品。(圖:ansonlht@IG)

Anson Lo、Edan推出新歌

Anson Lo後日(11月12日)將會推出新歌《永順街39號》,歌名以母校地址命名。明天(11日)傍晚6時率先發放MV預告片,新歌後日中午12時上架,MV同日晚上8時於MIRROR YouTube頻道推出。Anson Lo在社交平台分享新歌宣傳海報,並寫道︰「《永順街39號》,久違的慢歌,你們期待嗎?」據了解,今次新歌將會與他的童年回憶有關。

《攀上天梯的螞蟻》MV由導演曾慶宏親自操刀,當中Edan以多個造型參與演出,分別在三個不同時空中摸索與屋企人的相處之道。(圖:《攀上天梯的螞蟻》MV)

此外,Edan首隻個人電影主題曲《攀上天梯的螞蟻》及MV已於前天(11月8日)上架。Edan指:「呢首歌係蔡德才先生作歌同監製,我哋今次第一次合作,而我覺得呢首慢歌同其他歌好唔同,有一種完全唔一樣嘅感覺。其實都唔容易唱,都錄咗三次,不過我好Enjoy成個過程,同埋睇完試片,更加覺得首歌同電影係好配合。」MV上載至影片平台兩天,已達26萬點擊次數,非常受歡迎。

圖:ansonlht@IG、《攀上天梯的螞蟻》MV

责任编辑:guoxh