【識港網訊】天后鄭秀文（Sammi）出道多年見慣大場面，不過有啲嘢係佢人生中未曾試過，搞到佢都不禁直呼緊張，而呢個第一次正正係「被斟茶」！

話說Sammi老公許志安嘅親戚結婚，Sammi同安仔就坐喺到接受一對新人斟茶，Sammi亦喺社交網上載當日嘅相，相中見到Sammi個樣好嚴肅，同平時嘅「鄭四萬」有好多分別，佢都直言自己有啲緊張：「人生首次『被斟茶』，有點緊張，不知應該說什麼。不敢亂笑，喝完茶任務完成才鄭四萬回來。」同時她還Hashtag「被斟茶的感覺有點不習慣」、「飲完這杯茶才放鬆笑番」，睇嚟真係好緊張。

同時唔知係咪睇到一對新人結婚，Sammi似乎有感而發，留言：「四萬人生總有很多的第一次以及唯一的一次，例如婚姻、喝過這一杯茶， mi也提醒自己，婚姻來得不易，每一對couples都務必珍惜和努力守護。mi 一直認為婚姻本身並不提供愛，是彼此之間的愛滋養著（着）婚姻，是彼此的努力，是彼此之間的不分彼此，才能使婚姻有血有肉有生命。」她認為婚姻係無形但相處係有形，婚姻中每個階段都係一場終身學習：「我估計沒有捷徑，只能一步一步經歷，才能真正體現『一步一生』的幸福。」

原文鏈接：http://www.orangenews.hk/officelady/system/2019/03/25/010112974.shtml