【識港網訊】藝人劉心悠與梁釗峰將於下月9日遠赴北極參與馬拉松賽事，並在昨日（21號）與其他跑手現身出席記者會，連續10年出戰本地馬拉松10公里賽事的心悠，透露今次將在北極首度挑戰21公里賽事：「其實自己好怕凍，見到其他跑手，大家一齊積極備戰，好感觸，相比他們，我覺得自己係跑馬拉松嘅BB，我一定會以100%能力去應付今次比賽，相信今次是我人生中最大挑戰的比賽。」

心悠透露將於今個月底起程前往北極，並會逗留兩星期，而她為了應付賽事都刻意增肥，由48KG增至52KG：「塊面都肥咗，要刻意去谷肥自己，因為我要儲脂肪，加上自己又怕凍（第一次咁肥？）好耐未試過，幾年前演出舞台劇嗰陣因為壓力太大，每次綵排後都食一隻大雞髀，當時真係肥咗好多，但今次會配合一啲運動，會有一定嘅肌肉，先要變成一隻豬，返嚟再減。」

問心悠會否擔心跑不完全程？她即說就算行都要行完全程，更指屆時會到北極最北端的地方，笑言可在該處插上人形紙板：「然後Hashtag『nothing is possible』或者『地球好危險』。」

原文鏈接：http://www.orangenews.hk/officelady/system/2019/03/22/010112704.shtml