【識港網訊】組合MIRROR成員姜濤（姜B）向來人氣高企，噚晚佢Post咗張相，留言話：「看來，又有一段時間不能隨便亂跑亂跳了！」似乎係講緊腳傷。一班姜糖紛紛留言表示心痛，仲係咁叫姜B快啲做手術添。

姜B都好識做，仲Tag咗「姜糖別擔心」，真係貼心，不過一班肉緊偶像嘅姜糖又點會唔擔心唔心痛呢？其實姜B喺《MIRROR GO》已經提過自己有膝傷，不過佢都好Man堅持進行攀石比賽！希望姜B快啲好返，咁先可以帶更多好嘅表演畀大家㗎嘛！

另外，今日蕭定一出席活動時表示會將《IQ成熟時》重拍成《EQ成熟時》，有鑑於香港少青春片，所以想借此力捧新人。他更說已初步接觸過姜B，覺得對方很有人氣和魅力，又指劇中會大量用KOL。

原文鏈接：http://www.orangenews.hk/officelady/system/2019/03/20/010112580.shtml